Samarbeidsavtalar

Avtale om Betre tverrfagleg innsats (BTI)

Austevoll har signert avtale med KoRus vest Bergen om samarbeid om BTI. Gjennom BTI-avtalen forpliktar Austevoll seg til organisere BTI-arbeidet med prosjektleiar og pådrivargrupper og forankre arbeidet på alle nivå i dei aktuelle tenestene. KoRus er ansvarleg for å drifte det regionale BTI-arbeidet og er forplikta til å bidra med kompetanse til Austevoll i prosjektperioden.

Barnevernvakt - akuttberedskap

Austevoll kommune har avtale med Bergen barnevernvakt. Har du behov for råd eller hjelp etter barneverntenesta sine opningstider kan du få hjelp frå barnevernvakta på 55 36 11 80. Du kan også ringe barnevernvakta anonymt for å drøfte ei sak. Les meir

BUP Fana

Austevoll kommune har avtale med BUP Fana. BUP står for Barne- og ungdomspsykiatrisk poliklinikk, og er eit spesialisthelsetilbod innanfor psykisk helsevern for barn, ungdom og familiane deira. Les meir

Familievernkontor Stord

Austevoll kommune har avtale med Familievernkontoret på Stord. Familievernet tilbyr behandling og rådgjeving til alle som opplever vanskar, konfliktar eller kriser i familien. Dei tar imot einskildpersonar, par og familiar. Familievernkontoret utfører også mekling, som er obligatorisk ved samlivsbrot for foreldre med felles barn under 16 år. Les meir

Krisesenter for Bergen og omegn

Austevoll kommune har avtale med krisesenteret for Bergen og omegn. Krisesenteret er eit tilbod til personar som er utsett for vald eller overgrep fra nokon i familien eller andre dei har eit nært forhold til. Senteret tilbyr beskyttelse, råd og rettleiing til kvinner, menn og barn. Du kan ringe krisesenteret alle dagar, døgnet rundt. Les meir
Telefon: 55 31 50 50

Solli DPS

Innbyggjarar i Austevoll som er over 18 år og treng psykologisk oppfølging i psykisk helsevern, får dette på Solli DPS. Solli DPS gir oppfølging til pårørande, inkludert barn og unge. På nettsidene sine skriv dei:

Når foreldre eller søsken er i behandling vil de øvrige barna i familien ofte også ha behov for oppfølging. Ved Solli DPS legger vi stor vekt på å ivareta barn som pårørende, gjennom egne samtaler med barn og gruppetilbud for barn av psykisk syke. I samtalene med barn som er pårørende legger vi vekt på å lytte til barnas opplevelser og tanker. Vi gir informasjon om lidelsen deres familiemedlem er rammet av på en måte som er tilpasset barnets alder. Vårt mål er å gjøre disse møtene så trygge som mulig for barna.